Maneira Loke WhatsApp iha PC/Laptop la uza BlueStack ka Emulator Android seluk

Maneira Loke WhatsApp iha PC/Laptop la uza BlueStack ka emulator Android seluk

     Holla belun sira.... Iha tutorial ida ne'e ha'u hakarak fahe oituan kona-ba maneira oinsa mak ita bele loke WhatsApp iha komputador /laptop. Ita hotu hatene katak aplikasaun whatsapp ida ne'e validu de'it ba smartphone Android ka iOS no mos windows mobile.
     Iha maneira seluk ne'ebe bele loke aplikasaun WhatsApp iha komputador maka presiza download no instal uluk aplikasaun ida naran Bluestack, maibe bainhira ita instal bluestack ba ita nia komputador, ita nia komputador sei prosesu todan loading kleur, ita loke aplikasaun sira seluk, mos dalaruma prosesu kleur/todan, bele estraga ita nia memoria RAM. Maibe mos aplikasaun WhatsApp ita bele loke iha komputador liu husi Browser (Firefox, Crome, nst). WhatsApp loke liu husi browser klaru katak loke whatsapp iha momentu koneksaun internet.

     Maneira atu Loke WhatsApp iha komputador/Laptop mak hanesan :

1. Loke browser hanesan Crome, Firefox, Opera, ka ida ne'ebe mak iha belun sira nia laptop/komputador, maibe browser refere tenke ho versaun 2015 ba leten.

2. Depois de Loke browser, belun sira hakerek link https://web.whatsapp.com/ ne'e iha url bar mak sei mosu QR Code hanesan imajen iha kraik ne'e.

3. Tuir mai belun sira loke aplikasaun WhatsApp iha belun sira nia telefone/smartphone, depois belun sira ba iha liman-loos klike icon menu maka sei mosu hanesan imajen iha kraik ne'e, belun sira klike iha WhatsApp Web mak sei mosu hanesan imajen iha numeru 4.

4. Tuir mai mosu hanesan imajen iha kraik ne'e maka belun sira Scan QR code iha browser uza telefone refere.

5. Bainhira belun sira halo ona Scan QR code maka ninia resultadu mosu hanesan imajen tuir mai ne'e. Imajen iha kraik ne'ebe ha'u halo risku mean ne'e atu log out.

6. Se susesu ona maka mensajen hotu-hotu ne'ebe iha whatsapp telefone sei mosu iha browser komputador/laptop, no belun sira mos bele chating liu husi komputador/laptop refere.
Belun sira bele haruka mensajen foto, video, musika ne'ebe ma rai iha belun sira nia komputador.

Dalaruma aplikasaun iha Web sei lakon bainhira rede internet ka telefone mate.

Testu hotu-hotu ne'ebe mak belun sira ketik iha whatsapp web komputador sei mosu moos iha aplikasaun whatsapp telefone.


Ida ne'e mak tutorial badak kona-ba oinsa maka loke aplikasaun
whatsapp iha komputador/laptop. Karik belun sira iha duvidas ou sujestaun bele fo komentariu iha okos. Ikus liu keta haluha follow me > muda tun (scroll down) hanehan tombol azul (ikuti).

Obrigadu barak e Bom  aproveita

😎

Fahe ba