Maneira atu hatene kapasidade HDD liu husi cmd
Belun sira karik imi atu hola laptop/PC ruma, primeiru imi sei haree uluk kapasidade hard disk no memory RAM. Sosa laptop kuandu atu hatene Hard disk ninia kapasidade , baibain imi loke iha my computer depois hare data C,D,E hamutuk 500 GB hanesan ne'e. Maibe dalaruma imi haree/cek liu husi dalan ne'e kapasidade Hard disk ho formalitas de'it maibe la to'o 500 GB. Ha'u iha esperensia ona tamba kolega ida sosa laptop merek Toshiba ho folin $ 120.00 dolar kapasidade Hard disk 250 GB cek liu husi my computer. Iha kolega ne'e nia laptop laran aplikasaun oituan de'it tamba ne'e nia fo mai ha'u atu aumenta instal Adobe photoshop, ha'u koko instal no iha prosesu instalasaun laran mosu error, ha'u koko dala haat error nafatin. Entaun ha'u cek Hard disk nia kapasidade primeiru liu husi my computer depois sura hamutuk numero data C,D,E hamutuk GB 200 resin signifika 250 GB. Ha'u koko cek liu husi cmd, eeh mosu mai hard disk nia kapasidade laos 250 GB maibe 50 GB de'it, entaun ha'u labele aumenta instal aplikasaun.
1. Ba iha Start ka bele hakerek cmd iha kolum search, depois klik liman los iha cmd no open as administrator sei mosu hanesan imajen iha kraik ne'e. Imi ketik aumenta diskpart iha /system32> nia oin, hanesan imajen iha kraik ne'e no Enter.
2. Hanesan imajen iha leten ne'e imi ketik aumenta list disk iha DISKPART> nia oin depois Enter mak sei mosu hanesan imajen iha kraik ne'e. Fo sai klaru ona kapasidade hard disk nian hira no sei mamuk hira, ninia tipu dinamiku ga lae.
3. Hanesan imajen iha leten ne'e imi bele ketik tan list volume iha DISKPART> nia oin sei mosu hanesan imajen iha kraik ne'e fo sai klaru kedan. Hard disk nia kapasidade hira, iha laptop laran partition fahe ba hira ho kapasidade hira, ninia status saudavel nafatin ka lae.
Atu hatene kapasidade Hard disk nian liu husi cmd mak hanesan esplikasaun iha leten ne'e, espera katak bele ajuda ita boot sira. Ikus liu ha'u hato'o obrigado barak tamba bele lee ona artigu ida ne'e.
0 komentar: