Maneira atu tama BIOS Komputador ka Laptop - Kompletu

Maneira atu tama BIOS komputador ka Laptop - Kompletu

Olla belun sira hotu, iha publikasaun ohin loron nian, ha'u sei fahe oituan kona-ba maneira ou lala'ok atu tama BIOS komputador ka laptop. BIOS (Basic Input Output System) hanesan menu basiku ida ne'ebe atu maneja komponente fisiku komputador ka laptop nian. Menu BIOS ida ne'e importante tebes bainhira iha momentu ita halo instalasaun (fila-fali) sistema operativu windows.

Atu tama ba menu BIOS ida ne'e la iha impedementu ba windows ne'ebe ita uza, tamba ho nia funsaunn ne'ebe la hanesan, tamba ne'e sistema operativu windows ne'ebe ita uza hanesan windows 7, 8 ka 10 atu tama ba BIOS ho maneira hanesan. BIOS ne'e ema balun de'it mak hatene atu bele setting, tamba bainhira ita setting arbiru mak sei impaktu negativu mai ita, hanesan komponente sira komputador labele hala'o servisu ou bele mos ita nia windows la ho normal hanesan baibain.

Tamba ida ne'e mak ha'u halo tutorial ida ne'e atu ajuda belun sira ne'ebe foin mak aprende halo instalasaun windows ba komputador ka laptop. Tamba bainhira ita atu halo instala windows (OS) tenke setting uluk iha BIOS, atu maneja ka hili booting, hanesan Hard disk (HDD), DVD installer windows, ka flash disk. Maneira sira atu tama ba BIOS ida ne'e ha'u mos aprende iha eskola Sekundariu Tekniku Vocacional (ESTV-GTI) iha momentu ne'ebe ami nia  professor hanorin ami materia Instalação Manutenção dos Equipamentos Informaticos ne'ebe haruka ami atu halo instalasaun windows ba komputador sira.

⏩Lee mos ida ne'e :  
          ➤ Maneira hadi'a Blue Screen iha windows 7, 8 no 10

Di'ak belun sira iha biban ida ne'e hau sei fahe kona-ba butaun tekladu (keyboard) ne'ebe funsaun atu tama ba menu BIOS iha komputador ka laptop saida de'it. 

Maneira atu tama menu BIOS komputador ka laptop

Ezemplu : 

➤ Hanehan F2 atu SETUP signifika tama menu BIOS hanehan butaun F2 

➤ Hanehan DEL atu tama SETUP signifika tama BIOS ho butaun Delete

➤ Del atu tama SETUP  : uza butaun delete atu tama BIOS

➤ F10 atu tama SETUP : uza butaun F10

➤ no seluk tan.

Maneira atu tama BIOS 

Butaun keyboard ne'ebe atu tama ba iha menu BIOS (Basic Input Output System) mak utiliza butaun DELETE no F2 (depende hili ida)

Ho maneira : Halo moris komputador no hanehan butaun DELETE ka F2 (hanehan dalabarak) to'o menu BIOS mosu mak foin husik butaun refere.

Ezemplu menu BIOS sei mosu hanesan imajen iha kraik ne'e.

Maneira atu tama menu BIOS komputador hotu-hotu 

Atu tama ba menu BIOS laptop ou komputador tuir lolos maneira hanesan, maibe iha laptop balun ne'ebe diferente. Belun sira bele uza maneira ida ne'e ba laptop sira ne'ebe mak ho merek acer, lenovo, hp, dll, asus no laptop merek sira seluk.

Maniera atu tama BIOS :

➤ Lenovo : hanehan butaun F2 se lae Fn+F2

➤ Toshiba : hanesan butaun F2, F1 se lae ESC

➤ Asus : butaun F2

➤ Acer : uza butaun F1, F2 ka bele mos CTRL + ALT + ESC

➤ Compaq : butaun F10 se lae Delete

➤ Dell :  butaun Delete, F2, F12, F1, F3, ka bele mos Fn + F1

Nota : 

Butaun ne'ebe atu tama ba menu BIOS komputador hotu-hotu uza dalabarak mak butaun Delete, F2 no F12, kuaze merek laptop hotu-hotu bele uza butaun tolu refere. So, laptop saida de'it mak iha, bele uza butaun sira ne'e ida por ida.

⏩Lee mos ida ne'e : 

     ➤ Komponente sira komputador no funsaun ida-idak

     ➤ Funsaun butaun sira iha keyboard

Oinsa mak bele utiliza ?

 Primeira ita loke komputador refere hanehan butan power e depois sei prosesu hela ita hanehan beibeik butaun F2, Delete ka F12 (hili ida) no to'o menu BIOS mosu.

Atensaun!!! Bainhira ita hanehan butaun F2, Delete, ka F12, hanehan no hanehan beibeik ne'e diferente. Baibain sala ne'e iha step ida ne'e. Hanehan beibeik signifika ita hanehan butaun refere (hanehan husik, hanehan tan husik fali ho liman lalais), no hanehan signifika ita hanehan butaun refere dala ida de'it husik ona. Ne'ebe atu tama menu BIOS ita tenke hanehan butaun beibeik (hanehan husik hanehan husik) to'o menu BIOS mosu mak hafoin husik butaun refere.

Karik komputador ka laptop la mosu menu BIOS husik komputador refere moris, depois halo restart fali komputador ka hamate, tuir mai halo tuir fila fali maneira sira iha leten ne'e.

Butaun keyboard ne'ebe maioria uza ba iha komputador hotu-hotu mak butaun Delete ka F2, no sira seluk baibain uza butaun Esc, F12, F1 no F10, iha mos seluk ne'ebe uza butaun kombinasaun hanesan Fn + F12, Fn+F10 no Fn+F2. 

Iha mos laptop ka komputador ne'ebe mai ho ninia butaun rasuk atu tama ba menu BIOS, hanesan laptop merek Lenovo ne'ebe ninia butaun atu tama ba menu BIOS mak butaun ki'ik ida iha laptop nia sorin parte port Rj-45 no IDM nian, butaun refere besik liu charge fatin. Atu uza butaun refere primeiru hamete tiha laptop depois hanehan butaun kiik ne'e mak sei mosu menu BIOS.

Ida ne'e mak esplikasaun kona-ba maneira atu tama menu BIOS komputador ka laptop, karik belun sira iha konfusaun, duvidas ka iha sujestaun ruma, bele fo komentariu iha kolum komentariu okos. 

Karik sente artikulu ida ne'e di'ak ba ita, bele share tutan ba kolega sira seluk atu sira mos bele hatene.

OBRIGADU BARAK😎

(keta haluha muda tun/Scroll down Like fanspage facebook no follow webblog ne'e ho maneira klike butaun azul Ikuti)

Maneira hadia Blue Screen iha windows 7, 8 no10

Maneira hadia Blue Screen iha windows 7, 8 no 10

Olla belun sira iha tutorial ida ne'e ha'u hakarak fahe oituan kona-ba maneira ka lala'ok atu resolve Blue screen iha windows 7, 8, no 10. Blue Screen ou Blue Screen Of Death (BSOD) hanesan problema ida ne'ebe akontese dalabarak ona utilizador sistema operativu windows komputador ka laptop. Blue screen ida ne'e hanesan kondisaun ida iha ne'ebe sistema operativu windows fo sai ou hatudu iha monitor/layar ho kor azul. Problema Blue screen ida ne'e akontese tamba kauza iha problema hardware no software komputador ka laptop refere.

Laos deit akontese Blue screen, problema iha hardware no software bele impaktu ba ita nia komputador sai error. Kauza husi Blue Sreen Of Death tamba akontese crash wainhira sistema operativu hasoru Error Stop ne'ebe kauza akontese kanselamentu iha momentu windows halo prosesa dadus no sei impaktu windows servisu para, problema refere baibain akontese tamba kauza problema software no hardware iha komputador ka laptop ne'e. Se problema refere akontese baibain komputador ka laptop windows restart derepente  (automatika).

Klaru katak problema ida ne'e impede tebes ita ne'ebe utiliza komputador ka laptop windwos 7, 8 no 10, ne'ebe Blue screen akontese dalabarak. Sa tan ita hala'o hela servisu, hanesan ketik dokumentu ruma maka dokumentu refere ita seidauk rai/save, maibe ita nia komputador ka laptop hasoru problema blue screen, maka ita bele nervouse ka hirus ita-an, tamba ita atu ketik fila fali dokumentu refere.

Oinsa mak hadia Blue Screen iha windows 7, 8 no 10

Bainhira problema Blue Screen akontese ou mosu, maka sei hatudu sinal crash iha hard disk komputadro ka laptop refere ne'ebe hanaran Minidump. Tamba ne'e maka iha tutorial ida ne'e ha'u sei fahe maneira ou lala'ok hitu (7) atu hadi'ak ka resolve problema Blue Screen iha windows 7, 8 no 10. Esplikasaun maneira hitu maka haneesan tuir mai ne'e :

Maneira 1. System Restore

Maneira ida ne'e bainhira ita nia komputador ka laptop akontese ou hasoru problema Blue Sreen, maka ita uza lalaok system restore hanesann tuir mai :

     1. Primeiru, hamate uluk ita nia komputador ka laptop. Maneira atu hamate komputador ka laptop bainhira akontese Blue screen, maka belun sira hanehan butaun power on/off iha laptop ka komputaodr ne'e, depois hanehan butaun power refere halo metin (labele husik) to'o komputador ka laptop mate.

     2. Depois de hamate, loke fila fali komputador ka laptop refere

     3. Hanehan butaun keyboard F8, bainhira komputador booting hela, no sei lori ita ba menu booting

     4. Bainhira iha menu booting, belun sira hili Safa Mode depois hein to'o prosesu booting remata

     5. Tama ba operating system safe mode

Maneira atu tama ba Operating System Safe Mode maka, belun sira klik butaun Windows Start >> Control Panel >> System Security >> Action Center >> Recovery >> Open System Restore >> Next >> Next >> Finish >> Yes.

    1. Komputador ka laptop refere sei halo restart automatikamente. Karik maneira ida ne'e susesu maka ita nia komputador ou laptop nia sei fila-fali ba normal no la iha tan dumping ka mosu iha monitor Blue Screen ou layer kor azul.

Maneira 2. Halo Restar Komputador

  Maneira ida ne'e dalaruma simples no fasil liu, ne'ebe belun sira hanehan de'it butaun restart iha komputador ka laptop no hein komputador sei halo prosesu booting to'o remata. Se ita nia komputador la iha problema ne'ebe mak todan, iha momentu booting maka sei mosu iha monitor sei fila-fali normal hanesan baibain.

Maneira 3. Ulitiza maneira Scan Malware

  Bainhira komputador akontese Blue Screen dalaruma kauza iha malware ne'ebe iha komputador laran. Malware sei fo impaktu negativu ba windows atu estabiliza sistema. Malware ida ne'e iha sistema windows laran ou iha parte dahuluk windows nian. Atu resolve problema ida ne'e belunn sira presiza halo scan ba malware utiliza aplikasaun ou programa Anty Virus.

Maneira 4. Ulitiliza maneira Repair System Operating Windwos

  Maniera dahaat ida ne'e, ita halo utiliza maneira Repair System operativu windows. Lala'ok ida ne'e baibain utiliza atu hadia komputador ne'ebe hasoru problema Blue Screen Of Death (BSOD) ne'ebe akontese tamba iha file windows ne'ebe aat. Maneira ida ne'e ita halo uza DVD ne'ebe sistema operativu iha laran ne'be uza atu hadia ka Repair windows.

Maneira 5. Check Hardware

  Se belun sira uza metodu software maibe seidauk diak nafatin iha Blue sreen, maka belun sira koko tok ho maneira check hardware iha komputador refere kondisaun hardware diak ou aat. Maneira dahuluk atu check hardware maka check uluk hard disk, karik hard disk ne'ebe ita utiliza iha problema ou aat, maka problema refere hamosu ou akontese Blue sreen iha monitor. 

  Maibe hard disk la iha problema ruma, maka ita check fila-fali hardware seluk, mak hardware segundu ita check maka RAM ne'ebe iha komputador ou laptop ne'e. Maneira atu check hardware hard disk no RAM refere, maka belun sira liu husi menu Start no ketik Memory Diagnostic Tool.

Maneira 6. Install update Driver

  Karik ita nia komputador ou laptop nafatin iha problema Blue Screen, maka ita uza maniera install update driver. Kuaze atu hanesan ho maneira Repair iha numeru 4, soke diferente maka instal update driver, problema blue sreen ida ne'e tamba iha crash ne'ebe prosesu update seidauk remata ou prosesu update ne'ebe la cocok. Problema ida ne'e ita atu resolve ita tenke download uluk driver versaun foun ho sasan ne'ebe ita uza. Maneira ida ne'e atu resolve problema Blue screen iha komputador ou laptop.

Maneira 7. Install fila-fali Windows

  Maneira ikus ida ne'e, se bainhira belun sira uza hotu ona maneira iha leten husi numeru 1 to'o 6 mak komputador ka laptop nafatin Blue Screen mak foin uza maneira ikus ida ne'e. Maneira ikus ne'e lori ita atu resolve problema Blue Screen ho metodu install fila-fali sistema operativu windows ne'ebe mak ita uza. Maneira ida ne'e haruka ita atu hari fila-fali sistema operativu iha ita nia komputador ka laptop atu nune'e la iha tan akontese problema sira hanesan Blue Screen Of Death. 

Ida ne'e mak esplikasaun kona-ba oinsa ita bele hadi'ak kompuador ka laptop ne'ebe mak hasoru problema Blue Screen ou mosu iha monitor layar kor azul tomak deit. Ikus liu, karik belun sira iha ideias ou sujestaun ruma atu hadia konteudu sira iha webblog ida ne'e, bele fo komentariu iha kolum komentariu okos. 

OBRIGADU BARAK...😎

Saida maka Sistema komputador?- Esplikasaun kompletu

Saida maka Sistema komputador?

       Sistema komputador maka konjuntu husi komponente komputador sira ne'ebe maka iha ligasaun no suporta malu hodi hala'o prosesamentu ba dadus, no moos atu fo sai resultadu informasaun ba utilizador sira. Sistema komputador iha komponente tolu mak hanesan; Hardware, Software no Brainware. Komponente sira ne'e iha ninia funsaun ida-idak ne'ebe la hanesan. Maibe bainhira iha momentu operasaun komponente refere suporta malu hodi hala'o servisu. Hardware kuandu mesak labele halo operasaun maibe presiza software, no moos software labele funsiona se la iha hardware, nune'e moos kuandu Brainware la iha komponente rua ne'e labele funsiona ka fo sai resultadu informasaun.

Sistema komputador

   Komponente Sistema komputador maka hanesan tuir mai :

1. HARDWARE

Hardware maka komponente sistema komputador ne'ebe maka fisiku, no ita bele haree no kaer, maka hanesan; motherboard, keyboard, mouse, hard disk, power supply no seluk tan.

Hardware iha parte tolu maka hanesan : 

a). Input device

Komponente komputador sira ne'ebe mak nia funsaun atu hatama dadus ba komputador laran, maka hanesan; keyboard, mouse, scaner, web cam.

b). Processing

Komponente komputador ne'ebe maka nia funsaun atu halo prosesamentu ba dadus ne'ebe mak ita hatama ba komputador, mak hanesan; CPU (central processing unit) ka baibain hanaran kakutak komputador.

c). Output device

Komponente komputador ne'ebe maka nia funsaun atu fo sai resultador husi prosesamentu dadus, maka hanesan ; monitor, projector, printer, speaker no seluk tan.

d) Storage device

Komponente komputador ne'ebe maka nia funsaun atu rai dadus sira. Komponente Storage device iha parte rua maka ; Internal storage device no External storage device.

Internal storage device - maka hanesan Hard disk ne'ebe ho kapasidade boot no nia funsaun atu rai dadus permanente, no External storage device maka hanesan memoria RAM (Rondom Access Memory) ne'ebe nia funsaun atu rai dadus provisoriu iha momentu komputador hala'o servisu no bainhira remata ka komputador hamate maka dadus refere sei rai hotu iha harddisk. 

External storage device - maka hanensan flash disk, CD, harddisk External, ne'ebe nia funsaun hanesan moos ho harddisk internal. Atu rai dadus media permanente.

2. SOFTWARE

Software maka komponente sistema komputador ne'ebe maka logika, ne'ebe ita bele haree maibe labele kaer. Komponente software ida ne'e hala'o nia serbisu iha komponente fisiku (hardware) nia laran. Iha software maka komponente fisiku sira bele hala'o ida-idak nia funsaun. Hanesan sistema operativu ne'ebe iha komputador nia laran atu komputador refere bele la'o ho di'ak. Komponente logika sistema komputador  mak hanesan ; Windows, Linux, Microsoft word, Excel, photoshop no seluk tan.

Software iha parte balun maka hanesan tuir mai ne'e :

a). Sitema Operativu (OS)

Sistema operativu hanesan programa ka aplikasaun fundamental ba aplikasaun hotu iha komputador ida nia laran, ne'ebe nia funsaun atu halo ligasaun entre hardware no utilizador. Ita bele hanaran sistema operativu hanesan atu kontrola no maneija ba komponente fisiku no operasaun sira ne'ebe maka la'o iha sistema komputador laran. Ezemplu sistema operativu maka ; Windows, Linux, MacOS no seluk tan. 

b).  Programa Aplikasaun (Aplication)

Programa aplikasaun mak programa ne'ebe prontu ona no hein ita atu utiliza. Programa aplikasaun nia funsaun atu ajuda utilizador komputador hodi hala'o servisu. Ezemplu programa aplikasaun maka : Microsoft office, photoshop, Crome, firefox, Adobe reader no seluk tan.

c). Programa Utilidade (Utility program)

(Utility program) programa utilidade mak komponente sistema komputador logika, ne'ebe nia funsaun atu kontrola komputador wainhira impaktu husi virus, Ezemplu utility program: data recovery, back up, Anty virus, Disk Defragment no seluk tan.

d). Linguajen programasaun (Programing Language)

Linguajen programasaun maka komponene logika nee'be maka nia funsaun ita utiliza hodi kria programa komputador. Ezemplu lianguajen programa mak: Visual Basic, Visual Foxpro,Delphi, no seluk tan.

3. BRAINWARE

Brainware maka komponente sistema komputador umanu ka pessoal ne'ebe utiliza komputador refere. 

Brainware fahe ba parte haat (4) hanesan tuir mai :

a). Programador (Programer)

Programador maka ema ida ne'ebe iha matenek ba linguajen programasaun ida. Linguajen programasaun iha oi-oin, hanesan : Visual Basic, Php, Java, Delphi no seluk tan. Tamba ne'e programador ita bele hanarann ema ne'ebe maka kria programa aplikasaun ne'ebe baseia ba nesesidade.

b). Analizador (System Analyst) 

Analizador mak ema ne'ebe halo analiza ba sistema komputador tuir nesesidade. 

c). Administrator

Ema ne'ebe responsavel no halo maneija ba sistema ida ne'ebe halo opersaun iha komputador nia laran.

d). Operador (operator)

Ema ne'ebe halo operasaun ba komputador ka hala'o programasaun ne'ebe kria ona husi ema programador

⏩Lee moos ida ne'e :
                   ➤ Komponente sira komputador no funsaun ida-idak
                   ➤ Historia evolusaun komputador jerasaun 1 to'o 5

Ida ne'e mak esplikasaun badak kona-ba sistema komputador, Karik liafuan balun ne'ebe maka sala admin husu deskulpa. Se belun sira iha duvidas, sujestaun, ideias konstrutivu atu hadi'a konteudu iha Biotek-fmf bele fo komentariu iha kolum kometariu okos. Ikus liu karik sente publikasaun ida ne'e di'ak ba ita bele sharing ba kolega sira seluk.

OBRIGADU BARAK😎

(keta haluha follow me > muda tun (scroll down) klike iha butaun azul (ikuti) no Like Fanpage Facebook.)

Oinsa kria website static simples ho HTML no CSS || Tetun

 Benvindu mai iha webblog Biotek-fmf. Iha artikel ida ne'e hau hakarak fahe oituan kona-ba oinsa oinsa kria website static simples utiliza de'it HTML ho CSS mak hanesan imajen iha kraik ne'e.

SAIDA MAK WEB STATIK?

Website statik mak website ne'ebe mak konteudu/content iha laran entry hamutuk dala ida ho script ka source. No kuandu ita atu muda konteudu ka documentus iha laran la fasil, tamba dokumentu/konteudu refere la'o hamutuk ho script, enkuantu website ne'ebe mak muda documentus/konteudu iha laran ho fasil mak web dinamis, eithss stop😄 iha ne'e hau la esplika kona ba web dinamis, tamba artikel ida ne'e foka liu ba web statik.😁😜..Ho esplikasaun badak iha leten ne'e espera katak ita boot iha ona bayangan ruma kona-ba webstatik. Maibe iha ne'e hau la halo esplikasaun teoria web statik, html no css, Tamba ne'e mai ita direitamente tama ba iha pratika nian. 

Lalaok halo web statik ho HTML no CSS

Antes ba iha pratika karik ita boot foin mak aprende html no css baziku liu, no seidauk hatene baze html bele lee artikulu kona ba introdusaun HTML no estrutura HTML parte primeiru nebe mak publika ona, bele klik iha ne'e : Aprende HTML - Parte 1 : Introdusaun 

Tuir mai ita pratika hamutuk oinsa kria web statik ho HTML no CSS step by step no sei sai hanesan imajen iha leten ne'e.

Tools saida mak presiza hodi kria web statik

1. Text Editor

Text editor mak tools ida ne'ebe ita atu ketik kode sira html no css ne'ebe mak prezisa hodi kria website statik. Text editor Notepad aplikasaun ne'ebe mak validu ona iha plataforma windows, maibe karik ita boot hakarak uza ida ne'ebe profesional mak text editor Notepad++, sublime text 3, visual studio code ou seluk depende ita boot.

2. Browser

Website statik ne'ebe mak ita kria ona ho sript html no css iha text editor mak ita atu hare ninia resultadu, sei loke ho browser mak hanesan crome, firefox, opera ect.

Kria loyout web statik uza HTML no CSS

Ok guyss bainhira tools sira iha leten preparadu ona mak tuir mai ita halo layout ba ita nia website statik. ne'ebe mak ho medulu sei sai hanesan imajen iha primeiru ne'e. konjuntu husi ; Header, Navigation, Content, Sidebar no Footer. Tuir mai mak step by step halo web statik;

1. Kria folder ruma iha ita boot sira nia diretori (ezemplu; folder ruma iha my documents) depois loke text editor ne'ebe mak iha ita boot nia komputador/laptop/notebook,  halo new file

2. Bainhira kria kria new file iha text editor mak save as tau file nia naran no estensaun .html(dot html), (ezemplu : save as, file nia naran tau index.html ) no tuir mai ketik tuir /copas script html tuir mai ne'e iha laran.

<!DOCTYPE html>

<html lang="en">

<head>

    <title>BAZE INFORMÁTIKA</title>

</head>

<link rel="stylesheet" href="style.css">

<body>

    <div class="header">

    </div>

    <div class="menu">

        <ul>

            <li><a href="#">HOME</a></li>

            <li><a href="#">KOMPUTADOR</a></li>

            <li><a href="#">Menu</a></li>

            <li><a href="">PROFILE</a></li>

            <li><a href="">ABOUT</a></li>

        </ul>

    </div>

    <div id="section">

        <div class="countiner">

            <div class="title">

                <h1>Pajina Inisiu</h1>

            </div>

            <div class="content">

                <p>Benvindu mai iha website <b>BAZE INFORMÁTIKA</b>. Iha website ida ne'e konjuntu husi materia sira

                    baziku iha

                    area informatika nian.</br>

                    Konteudu sira iha website ida ne'e nia laran mak hanesan tuir mai ne'e:</br>

                    1. Sistema komputador.</br>

                    2. Instalasaun software.</br>

                    3. Instalasaun hardware</br>

                    4. Aprende HTML no CSS.</br>

                </P>

                <h4>

                    <button>

                        <marquee behavior="alternate" direction="left"> Email : faustinofilipe6@gmail.com</marquee>

                    </button>

                </h4>

            </div>

        </div>

        <div class="sidebar">

            <h1>ASESU LINK</h1>

            <h3><a href="https://www.google.com" target="_blank" rel="noopener noreferrer">GOOGLE</a></h3>

            <h3><a href="https://www.youtube.com">YOU TUBE</a></h3>

            <h3><a href="https://web.facebook.com/">FACEBOOK</a></h3>

            <h3><a href="https://biotekfmf.blogspot.com">Web Blog</a></h3>

            <h4>

                <button>

                    <marquee behavior="scroll" direction="left"> Email : faustinofilipe6@gmail.com</marquee>

                </button>

            </h4>

        </div>

    </div>

    <div class="footer">

        <p>

            Copyright @ 2020 Desenvolve husi: <a href="https://web.facebook.com//Faustino_FiLipe">Faustino Miguel

                Filipe</a></br>

            Versaun 1.05

        </p>

    </div>

</body>

</html>

3. Tuir mai halo ninia style tamba kodigu sira iha numeru 2 ne'e html deit tamba ne'e website atu tampilan furak liu mak tuir mai halo tan new file ida nafatin iha ita boot ninia text editor no save as file nia naran tau style no extensaun .css (dot css), ezemplu: save as , file name styel.css. ketik tuir script sira tuir mai ne'e iha laran, se barukten ida hanesan hau karik, copas deit, alias copy paste script tuir mai ne'e iha file sytel.css nia laran.😅😅

body {

    margin: 0px;

    padding: 0px;

    font-family: 'Times New Roman', Times, serif;

}

.header {

    background-image: url(imagen/ulun.jpg);

    width: 1000px;

    height: 130px;

    margin: auto;

}

#section {

    width: 1000px;

    height: 500px;

    padding: auto;

    margin: auto;

}

.countiner {

    background-image: url(background/latarbelakang.GIF);

    width: 750px;

    height: 500px;

    float: right;

    padding: auto;

}

.title h1{

    color: rgb(24, 21, 21);

    text-align: start;

    text-shadow: darkred;

    font-family: Verdana;

    margin-top: 5px;

    margin-left: 10px;

    margin-right: 10px;

    font-size: 18;

}

.content{

    color: black;

    text-align: justify;

    margin: 10 10 10;

    word-spacing: 4px;

    font-family: Georgia, 'Times New Roman';

    font-size: 14px;

}

.content h4{

    font-size: 20px;

    font-family:calibri;

    color: sienna;

    padding-left: 200px;

    padding-right: 200px;

}

.content button{

    background-color:rgb(233, 235, 160);

    border:rgb(63, 185, 185);

    height: 40px;

    border-radius: 7px;

    border-style: dashed;  

}

/*css ba konteudu remata iha ne */

.menu ul{

    background-color: teal;

    width: 1000px;

    height: 40px;

    list-style  : none;                     

    margin      : auto;

    padding: 0px;

}

.menu ul li{

    float       : left;                 

    position    : relative;

    text-align: center;

    margin-top: 5px;

}

.menu ul li a{

    text-decoration : none;                 

    display         : block;

    padding         : 2px 20px;                 

    color           :white;

    font-family     : calibri;  

    font-size       : 18px;         

}

.menu ul li:hover > a {

    font-size: 20px;

    color: hotpink;

}

/*css sidebar nian hahu husi ne*/

.sidebar {

    background-image: url(background/WB02055_.GIF);

    width: 250px;

    height: 500px;

    float: right;

    padding: auto;

}

.sidebar h1 {

    background-color: rgb(94, 67, 27);

    width: auto;

    height: 40px;

    margin-top: auto;

    padding-top: 5px;

    color: rgb(182, 223, 182);

    font-size: 24px;

    font-family: monospace;

    text-align: center;

}

.sidebar h3 {

    color: midnightblue;

    font-size: 18px;

    font-family: Verdana;

    margin-left: 10px;

    margin-top: auto;

    padding: auto;

}

.sidebar h3 a {

    text-decoration: none;

}

.sidebar h3 :hover {

    color: rgb(58, 114, 95);

    font-size: 18.5px;

}

.sidebar h4 {

    font-size: 20px;

    font-family: calibri;

    color: sienna;

    padding-left: 0px;

    padding-right: 0px;

}

.sidebar button {

    background-color: silver;

    border: teal;

    border-radius: 7px;

    border-style: dashed;

    height: 40px;

    border-style: groove;

}

.footer {

    background-color: rgb(85, 78, 78);

    width: 1000px;

    height: 80px;

    margin: auto;

    padding: auto;

}

.footer p {

    color: beige;

    text-align: center;

    font-size: 15px;

    margin-top: auto;

    padding-top: 20px;

    word-spacing: 5px;

    font-family: 'Trebuchet MS';

}

.footer p a {

    color: beige;

    text-decoration: none;

}

Atensaun !!!!!!

Nota : fraze kor mean sript iha numeru 3 style.css nian ka style nian tuir mai ne'e: url(imagen/ulun.jpg), url(background/WB02055_.GIF)no url(background/latarbelakang.GIF) sira ne'e imajen background ne'ebe iha hau nia komputador ne'ebe ita boot sira bele troka ho kor, exemplu: parte header nian fraze  background-image: url(imagen/ulun.jpg); ida ne'e ita boot bele muda fali ba background-color: green; maka husi header nian sei sai fali kor verde, no mos halo hanesan ne'e ba iha background imajen rua sira seluk, ho kor ne'ebe mak diferente.

Esplikasaun sira iha leten iha artikulu ida ne'e mak admin espera katak bele ajuda maluk sira ne'ebe mak aprende iha area informatika nian liu liu ba sira ne'ebe mak baziku liu iha area oinsa kria website uza html no css. Ikus liu karik iha duvidas ou sujestaun ruma bele halo komentariu iha kolum komentariu okos, e Obrigadu barak

Referensia : 

👉W3Schools

👉W3.ore

Maneira troka Background foto iha Ms. word

Maneira troka Background foto iha Ms. word

      Ollaa belun sira....iha tutorial ida ne'e ha'u hakarak fahe oituan kona-ba oinsa troka kor backgroud foto. Normalmente atu troka background baibain utiliza aplikasaun /software desing grafic hanesan Photoshop, corelDraw no seluk tan.

     Dalaruma utiliza aplikasaun sira hanesan desing grafic refere la fasil atu troka background. Sa tan ho sira ne'ebe mak foin aprende kona-ba komputador, klaru katak difisil tebes. Tamba ne'e mak ha'u halo tuturial ida ne'e atu ajuda belun sira ne'ebe mak hakarak troka kor background foto medidas hanesan 2x3 ka 3x4 ou kualker medidas.

   

    Maneira ne'ebe mak ha'u halo ne'e laos utiliza aplikasau dising grafiku, maibe uza microsoft office word. Di'ak, oinsa mak atu troka kor background foto mak ho maneira hanesan tuir mai :

    Maneira troka kor background foto iha Ms. word

1. Loke aplikasaun Microsoft office word

2. Klike iha menu Inser depois klike > Pictures 

3. Hili foto ne'ebe mak belun sira atu troka ninia background depois klike Open maka mosu hanesan imajen tuir mai ne'e.

2. Mosu hanesan imajen iha leten ne'e mak belun sira klike foto ida ne'ebe mak atu troka background, maka sei mosu menu Format iha leten. Depois klike iha menu Format > Remove Backgound hanesan imajen iha kraik ne'e.

3. Tuir mai utiliza butaun sira (imajen kraik sirkulu mean laran) ne'e hodi muda lina sira ne'e to'o batas background depois klike Keep Changes. mak sei mosu hanesan imajen iha numeru 4.

4. Bainhira belun sira klike ona Keep Changes mak sei mosu hanesa imajen iha kraik ne'e. Belun sira klike iha menu Inser depois > Shapes no hili shapes rectagulu. 

5. Tuir mai sei mosu hanesa imajen iha kraik ne'e, belun sira klike iha  Shape Fill atu troka ka hili kor depende ita, depois klike iha Wrap Text no hili Behind Text mak shape refere otomatika muda ba kotuk, maka sei mosu hanesa imajen iha numeru 6.

6. Bainhira belun sira edit hotu ona mak sei mosu relustadu hanesan iha imajen iha kraik ne'e.

Ida ne'e mak esplikasaun badak kona-ba oinsa troka background foto utiliza microsoft office word. Karik belun sira iha duvidas ou sujestaun ruma bele tau iha kolum komentariu okos.  Ikus liu keta haluha follow me > muda tun (scroll down ) iha kraik hanehan tombol azul (ikuti).

Obrigadu barak

😎