Maneira utiliza HP Android sai CCTV

Maneira utiliza Hp Android sai CCTV

     Karik belun sira iha telfone Android ne'ebe mak la uza ona, maibe sei di'ak, laos lori fali aat ne'ebe mak layar nakfera la lakan ona ne'e😄...telfone android iha funsaun barak, maibe iha tutorial ida ne'e ha'u fahe de'it kona-ba oinsa utiliza telfone android sai hanesan cctv.

     Se imi hakarak area iha imi nia fatin segura mak imi bele uza telfone android sai hanesan camera security. Nia funsaun mos hanesan ho kamera cctv baibain monta iha loja, gedung no mos uma privadu sira. Imi pernah hare ga lae cctv ema monta iha loja, uma privadu sira ne'e, se seidauk karik ha'u fo maneira ida mak loron-loron la'o badiu netik😅😄....liu husi android imi mos bele hare buat ruma ne'ebe mak grava husi kamera android liu husi laptop/PC /table ou bele liu husi telfone android seluk.

     Antes atu halo konfigurasaun telfone android ho laptop/pc refere tenke iha koneksaun internet ka wifi ou bele mos oinsa atu sira rua bele iha ligasaun ba malu ho metodu wireless. 

Atu klaru liu mai ita haree hamutuk maeira tuir mai:

1. Instal aplikasaun IP webcam iha imi nia telfone ka telfone ne'ebe mak atu sai hanesan kamera sekuriti ho maneira loke aplikasaun play store no buka Ip webcam depois klik instal. halo tuir hanesan imajen iha kraik ne'e.

2. Se prosesu instal hotu ona loke aplikasaun IP webcam, sei mosu hanesan imajen iha kraik ne'e no muda tun klik iha Start server iha okos liu

3. Mosu hanesan imajen iha kraik ne'e, hein prosesu to'o remata.

4. Tuir mai nia sei mosu hanesan imajen iha kraik ne'e, mak ita boot sira ou ita ki'ik sira😄 kopia  ninia Ip address iha screen parte kraik. (ezemplu : http//:192.168.43.1:8080 )

5. Tuir mai ita boot sira loke browser (firefox, crome, nst) no paste ka prense Ip address ne'ebe mak ohin kopia ne'e iha url bar hanesan imajen iha kraik ne'e, depois enter.

6. Mosu hanesan imajen iha kraik ne'e. iha sirkulu kor azul laran ne'e funsaun iha hotu no imi bele klik no koko atu nune'e bele hatene funsaun ida-idak nian. Iha video renderer iha ne'e ha'u klik iha browser bele mos flash no iha audio player ha'u hili html 5 view no bele mos flash, mosu hanean imajen segundu.

      Esplikasaun kona-ba oinsa utiliza telfone android sai hanesan cctv maka to'o iha ne'e, ha'u espera katak liu husi esplikasaun tutorial ida ne'e bele ajuda ita boot oinsa uza hp android sai cctv, no ikus liu ha'u hato'o obrigadu barak tamba bele lee ona artigu ida ne'e.

Fahe ba